Por porsones atempades che é ciamó bones da s’organisé le de da sores ofriunse la poscibilité dl abité acompagné, olache le/la residënt/a pó ince tó pert ala vita soziala y ales ativités dla Ciasa de Palsa.

La ciasa á 5 abitaziuns por seniores de na grandëza de plüomanco 45 m². Les abitaziuns é autonomes, á süa entrada, na stöa/ciasadafüch, na ciamena y n bagn. Le gran porte pó gni anuzé deboriada sciöche local coletif.

L’afit vëgn calcolé aladô dles poscibilités finanziares dl afitadin/a.