Ai 28 de agost él gnü metü a jí a Porsenù les Olimpiades di Seniors, olache set berbesc y mëdes dla Ciasa de Palsa à tut pert. L’alenamënt impegnatif cun Giusi á porté sü früc, nüsc atlec á davagné cater medaies: Carlo Valentin (arjënt) y Erich Elzenbaumer (brom) tl parcurs cun ostacui, Regina Craffonara (arjënt) tl parcurs cun ostacui por porsones te scagn da rodes y ciamó n iade Carlo Valentin (or) tla competiziun a scuadres. Por chisc bugn plazamënc, á le grup podü porté a ciasa la copa sciöche miú scuadra de döt le Südtirol.