La Ciasa de Palsa se á tut dant da laoré do la metoda de Kinaesthetics por ti pité n sostëgn al personal te so laur de fadia. Porchël vëgnel organisé regolarmënter te ciasa cursc de basa y por progredis. Intratan á cater colaboradësses stlüt jö n curs por podëi acompagné i/les colegs/ghes tl laur dla cura da vigni de.
La porsona y so movimënt é al zënter dla metoda de Kinaesthetics. Al ti vëgn dé atenziun al movimënt por le conësce, le adaté y le valuté en relaziun a sé instësc y tla cura de atres porsones. Al é n stromënt che dëida imparé y svilupé strategies nöies tla sanité, reconësce les risorses dles porsones y promöie les competënzes dl movimënt y l'autonomia.